Fusa i farten!

Veke 8 aking på Bygdastølen - Klikk for stort bileteVeke 8 aking på Bygdastølen EMBV

 

I 2011 starta Fusa kommune arbeidsmiljøprosjektet "Fusa i farten" som eit helsefremjande tiltak. Målet var å skapa auka aktivitet, engasjement, motivasjon og samhald.

2011 - skritteljing og arbeidsmiljøpris

Alle tilsette fekk skritteljarar i julegåve og i løpet av prosjektmånadene vinter og vår 2011 vart det gått over 200 millionar skritt (PDF, 297 kB). Eller to og ein halv gong rundt Ekvator! Fusa i farten førte til mykje aktivitet, og det verka svært positivt og samlande for heile kommuneorganisasjonen. Prosjektet fekk stor merksemd i media, både lokalt og på nasjonalt plan. Hausten 2011 vart Fusa kommune tildelt Arbeidsmiljøprisen for Hordaland.

Dei tilsette vart elles heidra med ein Fusa i farten-fest, der Are Kalvø var hyrt inn for å trimma lattermusklane. Og det greidde han!

 

2012 - fellesstunt og Lars Monsen

I år 2 av prosjektet vart einingane utfordra til å arrangera fellesarrangement for alle kommunalt tilsette. Sjå nedanfor. I tillegg til fysiske aktivitetar, var fokus også på andre faktorar som er viktige for god folkehelse og eit godt arbeidsmiljø, m.a. triveleg sosialt samvær og gode fellesmåltid.

Hausten 2012 fekk dei tilsette eit spennande og inspirerande lysbildekåseri med Lars Monsen i gåve.

 

Nyttig snarveg:


 

Publisert av Ella Marie Brekke Vangsnes. Sist endra 17.01.2013
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30