Aktuelt frå kommunen

Vinterferie i Fusa

To skiløparar i sporet, snølandskap, solskin og blå himmel. Foto. - Klikk for stort bilete Denne veka har skulane i Fusa vinterferie, og det er fine skiforhold både på Holdhus og på Bygdastølen for dei som har lyst på snøeventyr. Ønskjer du deg innandørsaktivitet, har både Fusa folkebibliotek, symjehallen i Eikelandsosen og Framo Aktiv på Fusa ope.

Skiturar

Det er preparerte skiløyper både på Holdhus og på Bygdastølen. Lysløypa på Holdhus er tilgjengeleg heile dagen og med lys på ettermiddag og kveld. Løypa er ca 3 km lang. Det er gratis parkering ved Holdhus oppvekstsenter.

Bygdastølen ski- og tursenter er blitt det store utfartsmålet i Fusa for idrett og friluftsliv i vinterhalvåret. Det er mykje snø i fjellet. Frå Heihiller kan du gå i terrenget innover fjellet eller i preparerte løyper ved langrennsanlegget. Ein rundtur i løypa er på ca 5,8 km. På Bygdastølen er det lys kvar kveld kl 18.00-21.30.
 
Det er bomveg frå Solvang og opp til parkeringa på Heihiller. Her må du betala kr 50 per bil. Er du interessert i å kjøpa kort, finn du meir informasjon på Hålandsdal IL si nettside
 
Bok og bading
Dersom vêret heller freistar til innandørsaktivitet, kan du ta deg ein tur i bassenget i Eikelandsosen eller på Fusa. Eller kanskje du heller vil gå på biblioteket i Kommunetunet i Eikelandsosen og låna deg ei bok eller ein DVD? Sjå opningstidene til Fusa folkebibliotek og Fusa symjehall.
 
God vinterferie!
Publisert av Ella Marie Brekke Vangsnes. Sist endra 23.02.2015
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30