Aktuelt frå kommunen

UKM for Os og Fusa 9. mars

Frida Solheim og Zofia Konieczka - Klikk for stort bilete

Det vert felles lokalmønstringa for unge kultur i Os og Fusa laurdag 9. mars kl 16.00. Arrangementet er flytta til Eikelandsfjorden samfunnshus fordi Fjorden arena ikkje er klar til bruk. Du kan stadig melda deg på digitalt på www.ukm.no, med frist 3. mars. Det er alt mange påmelde og berre å gleda seg.

Den nasjonale kulturfestivalen for ungdom, UKM, er sprell levande og inviterer alle unge mellom 11 til 20 år til fest! Etter dei lokale arrangementa gjennom vinteren er det fylkesmønstringar. Hordaland samlar seg i Oseana 5.-7. april og den nasjonale UKM-festivalen vert i Arendal i slutten av juni.

Vellukka samarbeid

Først vert det lokal mønstring for Os og Fusa laurdag 9. mars. Vi har hatt eit vellukka samarbeid i mange år. For andre gang er det felles mønstring i Fusa og arrangementet vert i Eikelandsfjorden samfunnhus. Vi hadde håpa på å ta i bruk Fjorden arena, men opninga av den nye storstova er utsett til april. Det skal bli eit flott arrangement uansett og vi har leigd inn profesjonell hjelp til scenen frå Fusa lyd og lys. 

Meld deg på

Gjengen bak UKM i Os og Fusa ønskjer å få med alle kreative unge krefter i den nye Bjørnafjorden kommune til ei stormønstring av musikk og kultur. Har du eit eller anna du driv på med på fritida du kan visa fram for andre? Er det kreative tilng som skjer i skulekvardagen som kan løftast fram på ein scene, i ei utstilling eller på eit filmlerret? Kanskje du har lyst å vera med i den unge arrangørstaben. Då er er UKM rette staden for deg og det er berre å melda seg på.
 
Nedre aldersgrense for deltakarane er 11 år (5. klasse) og oppover 20 år, men om minst halvparten som samarbeider om eit innslag er i rett alder, kan det vera med både yngre og eldre deltakarar.
 
Påmeldingsfrist til lokalmønstringa er søndag 3. mars og påmeldinga ordnar du sjølv digitalt på ukm.no. Sjølve arrangementet er helga etter påmeldingsfristen, laurdag 9. mars.

Har du spørsmål som gjeld arrangementet kan du ta kontakt med kulturleiar Erik Vangsnes, telefon 47277146.
Publisert av Erik Vangsnes. Sist endra 22.02.2019
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30