Aktuelt frå kommunen

Sleepwalkers går til filmen

Sleepwalkers frå UKM 2018 - Klikk for stort bilete

Det unge rockebandet Sleepwalkers frå Fusa er med i ungdomsfilmen "Los bando" som har premiere på norske kinoar i desse dagar. Søndag 18. februar vert filmen synt på Oseana og her speler bandet i forkant av kinoen. Filmen kjem til bygdekioen på Holmefjord onsdag 21. februar.

Ryktene seier at dette er ein "feelgood" komedie om ein ungdomsgjeng som melder seg på NM i rock. Våre unge talent er vel meir som statistar å rekna i filmen, men dukkar opp i ein scene frå NM i Tromsø og har fått musikken sin med i filmen! Det er stor stas og Sleepwalkers har vore med i lanseringa av filmen m.a. på Bergen kino denne veka.

Bygdekinoen på Oseana viser filmen kl 16.00 søndag 18. februar og Sleepwalkers speler opp til film med ein liten konsert i forkant kl 15.40. 
Sjå meir informasjon. Kanskje blir det eit stjernedryss over framsyninga i Fusa òg? Filmen går i Bygdaheimen på Holmefjord onsdag 21. februar kl 18.00.

Filmen har fått blanda mottaking, men t.d. VG trillar terningen til ein femmar! Gå og sjå sjølv. Filmen har barn og ungdom som målgruppe, men har inga aldersgrense, korkje oppover eller nedover.

Publisert av Erik Vangsnes. Sist endra 16.02.2018
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30