Aktuelt frå kommunen

Internasjonal juletrefest og felles nyårsfeiring

Erik Vangsnes, Bodil Samnøy, Fausta Apicella og Atle Kvåle varmer opp til nyår. (Os og Fusaposten) - Klikk for stort bilete

Fusa kommune og Fusa frivilligsentral inviterer fusingane til to samkomer på tampen av 2016. Onsdag 28. desember kl 17.00 er det internasjonal juletrefest i Eikelandsfjorden samfunnshus og nyårsftan er det felles fyrverkeri på Tusenårsplassen på Leiro kl 24.00.

Internasjonal romjulsfest

I romjula vert det internasjonal juletrefest i Eikelandsosen onsdag 28. desember kl 17.00. Det vert ein open fest for heile familien der vi håper å samla både nye og gamle fusingar til fest i Eikelandsfjorden samfunnshus. Festen er organisert som ein dugnadsfest der gjestene vert inviterte til å bidra med mat til eit felles matbord. Det vert songar og leikar. Sjølvsagt skal ein gå rundt juletreet og kanskje kjem nissen? 

Pyroshow nyårsaftan

Nyårsaftan vert det invitert til eit stort felles fyrverkeri ved midnatt i kommunesenteret for å markera overgangen til det nye året. Den felles nyarsfesten er eit spleiselag mellom Fusa kommune og lokale verksemder. Oppmøte for publikum er på Tusenårsplassen på sjøsida av Fjord'n senter i Eikelandsosen.

Publikum vert oppfordra til ikkje å ta med eige fyrverkeri. Sidan andre tek kostnaden med eit stort felles fyrverkeri vert fusingane oppfordra til i staden å gje ei gåve til dei som treng hjelp i det krigs- og kriseramma Aleppo i Syria. Sjå plakat (PDF, 2 MB)

 
 
 
Publisert av Erik Vangsnes. Sist endra 21.12.2016
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30