Aktuelt frå kommunen

Idrettsdag i sommarsol

Utsnitt av foto. - Klikk for stort bilete Britt-Mari Gjerde

Tysdag 9. juni gjekk den årlege kappestriden mellom skulane Søre Fusa og Ølve Montessori av stabelen i strålande solskin på idrettsplassen i Ølve.  

Elevane hadde i tida før trena på å springa 60 meter, kasta med liten ball og hoppa lengde. Rektor på Søre Fusa skule Britt-Mari Gjerde melder om mange friidrettstalent:

"I Ølve er dei svært gode å kasta ball! På Søre Fusa hoppar dei langt! Spring gjer dei like raskt begge stader. Kvar og ein konkurrerte med seg sjølv – kor mykje betre hadde ein blitt sidan sist? Det galdt om å skaffa mest mogeleg poeng til eigen skule og sikra samanlagtsigeren. Den skinande flotte vandrepokalen motiverte til ekstra innsats. Sola skein om kapp med elevane – ho trudde kanskje det var ho som skulle ta sigeren? 

Fotballkampar
 
Tradisjon tru vart dagen avslutta med fotballkampar. Først var det elevane frå 1.-4. klasse som møttest. Her vann Ølve fortent 3-2 etter ein jamn kamp. Innsatsen var upåklageleg både på bana og på sidelinja.
 
Elevane frå 5.-7. klasse var neste lag ut. Også her enda det med ein fortent  siger til Ølve, denne gongen 5-0. Elevane takka kvarandre for kampen i god Fair play-ånd.
 
Vandrepokal
 
Kva då med vandrepokalen? Kven får ha den på hylla til me møtest neste år? I år som i fjor var det svært jamt – berre få poeng skilde dei to skulane. Det var Søre Fusa som trekte det lengste strået – og fekk pokalen med heim. Vi takkar vertskapet Ølve Montessori for ein fantastisk dag, og ynskjer velkommen til Selvågen neste år."
 
Ein gjeng blide elevar oppstilte på rekkje før kampen. Foto. | Fotograf: Britt-Mari Gjerde To elevar på startstreken. Foto. | Fotograf: Britt-Mari Gjerde Ein elev i svevet, medan to oppmålarar står og ser på ved sandgropa. Foto. | Fotograf: Britt-Mari Gjerde Foto. | Fotograf: Britt-Mari Gjerde Fotballkamp med mange spelarar framfor mål. Keeper får tak i ballen. Foto. | Fotograf: Britt-Mari Gjerde Utsnitt av foto. | Fotograf: Britt-Mari Gjerde Dei yngste spelarane takkar kvarandre for kampen. Foto. | Fotograf: Britt-Mari Gjerde Fem elevar i aksjon på fotballbanen. Hard kamp om ballen. Foto. | Fotograf: Britt-Mari Gjerde Elevar og lærarar klappar medan ei stolt jente frå Søre Fusa viser fram vandrepokalen. Foto. | Fotograf: Britt-Mari Gjerde
Publisert av Ella Marie Brekke Vangsnes. Sist endra 10.06.2015
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30