Aktuelt frå kommunen

Fritidsmønstringa 2013

Folkehelsekoordinator Kristin Almås ønskjer velkomen til Fritidsmønstra 2013 - Klikk for stort bileteFolkehelsekoordinator Kristin Almås ønskjer velkomen til Fritidsmønstra 2013 Erik Vangsnes Laurdag 28. september er det duka for ny fritidsmønstring for heile Fusa kommune. Denne dagen får ein høve til å sjå og oppleva kva som rører seg på fritida i Fusa. Det blir 25 standar der lag og organisasjonar presenterer seg. Det vert også mange aktivitetar i løpet av dagen frå  skatekurs og olabilløp til konsertar og hesteriding. Arrangementet foregår i tida 10.00 til 15.00 på Leiro i Eikelandsosen med både inne- og uteaktivitetar.

Fritidsmønstringa i 2012 vart ein kjempesuksess og arrangørane har store forventningar til 2013-utgåva. Arrangementet er eit samarbeid mellom Fusa vidaregåande skule, Fusa kommune, Fusa frivilligsentral og Fjord'n senter.

Folkehelsekoordinator Kristin Almås i Fusa kommune håper at mange får med seg mønstringa som gjev eit utmerka høve til orientera seg i fritidstilboda i Fusa. Her kan du knyta kontaktar og få informasjon. Organisasjonane i Fusa presenterer seg i gymsalen på Fusa vidaregåande og på uteområda mellom bygga på Leiro. Og så er det lagt opp til mange kjekke aktivitetar i løpet av dagen både ute og inne. Sjå Program (PDF, 3 MB).

Det vert kafé med matservering på Fusa vidaregåande skule. Fjord'n senter har eit eige tema for dagen med Markens grøde med utstillarar og torgsal. Bruktbua har eigen auksjon i sine lokale kl 11.00. I tillegg er det denne dagen veramønstring på Leiro for som driv med sau i Fusa så det vert eit yrande liv og mykje å sjå på for både folk og dyr.

Publisert av Erik Vangsnes. Sist endra 25.09.2013
Fusa kommune
Kommunetunet, Leiro 31 Postboks 24
5649 Eikelandsosen
Telefon
: 56 58 01 00

Faks
: 56 58 01 02
Org.nr.
: 964 968 896
Kommunenr.
: 1241
Opningstid
: 09.00-14.30