Staskledde ungdommar var heidersgjestene på den høgtidlege og flotte avslutningsfesten, saman med foreldre og føresette. Det var talar både av elevar og tilsette, rømmegraut og kaker, underhaldning, song og musikk.

Kontaktlærarane delte ut vitnemål og rektor Maylin Torgilstveit delte ut roser saman med inspektør Arild Matland. I tillegg vanka det bokgåver frå Fusa kommune med helsing frå ordføraren. Einingsleiar for Undervisning Anne-Merete M. Hellebø stod for overrekkinga av gåva - ei bygdebok til kvar elev. 

Fusa kommune ønskjer avgangselevane lukke til vidare!