Fusa kommune

GROM Design, som har stått for utviklinga av Fusa kommune sin nye visuelle identitet, har òg laga eit nytt varemerke knytt til "Fusa midt i blinken". Ønsket er at lag og organisasjonar, arrangørar og næringsliv i Fusa tek det nye merket i bruk på plakatar, annonser, brosjyrer, nettsider o.l

Dei vanlege papirbehaldarane til BIR er på 140 liter. Dersom du er mellom dei som har overfylte papirdunkar, kan du no få byta til ein større (240 l) utan at det kostar noko. Du kan ordna det på BIR si heimeside eller ved å ringja Kundesenteret på tlf 815 33 030.

Fusa folkebibliotek inviterer ungdom mellom 13 og 19 år til å delta på kurs i å skriva tekstar og framføra dei for andre. Du er velkommen til å leika deg med ord og setningar! Kanskje vil du etter dette delta i Ungdommens kulturmønstring med sjølvlaga tekstar? Skrivekurset er torsdag 4. oktober og kurs i framføring torsdag 8. november. Begge arrangementa er på biblioteket.

NB! Frist for påmelding til skrivekurset er måndag 1. oktober kl 15.00.