Fusa og Hålandsdalen er verdskjent for sine skiskyttarar. Skiskyttarhistoria i Fusa går attende til 1960-talet og har særleg Hålandsdalen har vore eit kjerneområde for denne idretten i Hordaland. Opp gjennom åra har Hålandsdal skyttarlag og seinare Hålandsdal idrettslag hatt mange løparar som har hevda seg godt både regionalt og nasjonalt. Det tok skikkeleg av internasjonalt med søstrene Ann-Elen (f. 1971) og Liv Grete Skjelbreid (f 1974). Ann-Elen tok VM-gull som junior i 1991. Ho var med i OL på heimebane i 1994 og tok sølv i VM i 1996. Saman med Liv Grete gjekk ho på det norske stafettlaget som tok bronse på stafetten i Nagano 1998. Då vart det folkefest på Fjordn senter etter heimkomsten. Det tok heilt av med Liv Grete sine to VM-gull i Holmenkollen i 2000. Under VM-festen kom kunngjeringa om etableringa av Fusalaget, eit eige sponsorlaug for å støtta opp om dei lokale heltane. Seinare vart også Fusa biathlon fanclub skipa for dei mange som ville vera med å heia dei fram. I 2002 vart det stafett-sølv OL i Salt Lake City til systrene og individuelt sølv på Liv Grete. VM i Oberhof i 2004 vart det store høgdepunktet i karriera til Liv Grete med 3 individuelle gull og stafett-gull. Etter denne jubelsesongen der også vann verdscupen samanlagt fekk Liv Grete tildelt Fusa kommune sin kulturpris. Etter OL i Torino i 2006 sa Liv Grete takk for seg som aktiv løpar.
Saman med ektefellene Raphael Poiree og Egil Gjelland har Liv Grete og Ann-Elen teke over 50 medaljar i VM og OL. Ein fantastisk medaljefangst og mange rike minne.
Når dei fire toppane har lagt opp ligg dei ikkje på latsida. Dei er er svært engasjerte i få fram nye talent og er med som trenarar på kretslaget for junior/senior Team Statkraft Hordaland og er pådrivarar i heimemiljøet. Dei er også involverte i bygging av nye anlegg. Sommaren 2008 opnar ny rulleskibane på Holdhus, den første i sitt slag i Hordaland. Det vert også bygd nytt stadion i fjellet for å få meir snøsikre løyper. Bygdastølen skianlegg vil stå klart til å arrangera konkurransar i langrenn og skiskyting vinteren 2008/2009.
Sondre Eide sitt sølv i junior-VM vinteren 2008 gav von om at nye talent er på veg og at skiskyttardalen har ei spennande framtid og ikkje berre ei minnerik fortid.
Fusa og Hålandsdalen er verdskjent for sine skiskyttarar. 
