TV-aksjonen 2010

I år har Flyktningehjelpen fått aksjonen som skal gå den 24. oktober. Fusa frivilligsentral skal også dette året organisera TV-aksjonen. Sentralen vil utfordra FAU ved skulane, barnehagane, oppvekstsenter til å skaffa bøsseberarar.

Dei får også oppmoding til å stella i stand arrangement for TV-aksjonen. Det hadde også vore kjempegøy med eit eller anna arrangement i samband med aksjonen - lokalt i ei bygd eller for heile kommunen: basar, konsert, løp (med startkontingent for TV-aksjonen), internasjonal matfest, veteranbilløp eller noko heilt anna. Viss nokon har lyst til å arrangera noko slikt, skal frivilligsentralen gjerne vera arrangør/medhjelpar.

Er det nokon som vil bli med på eit ekstra tak for TV-aksjonen  - til hjelp for flyktningar, så ta kontakt med frivilligsentralen. Dei ønskjer tilbakemelding om eventuelle arrangement jo før jo heller.