Julebord i Jettegryto

Sist fredag før jul var det julebord i Jettegryto barnehage for barn og personale.

I heile desember har vi førebudd julebordet vårt. Vi har laga julepølse, fruktsalat, skrelt poteter og kålrabi, kokt pinnekjøt, baka, laga pynt og dekka bord.
Det var høgtideleg og fint då små og store sat stivpynta til bords og blei ynskte velkomne me "Ver no velkomne med æra " ( Geirr Tveit). I nesten 2 timar nytte vi maten og program med song og vitsefortelling.  Etter song rundt juletreet kom nissemor med pakker til alle.

Heidersgjesten denne dagen var Gunnvor Mæland Fosse, som hadde sin siste arbeidsdag i Fusa Kommune. I 18 år har ho vore spesialpedagog og jobba med barn i barnehagane og skulane i Fusa. Vi takker for godt samarbeid med henne.